সুকুমল হৃদয়ত ওপজে ,
আবেগৰ গভীৰ অনুভৱ।
এদিনো জুখি চাব পৰা নাই,
অনুভৱ কিমান মধুৰ!
সাগৰৰ গভীৰতা ,
কিদৰে জুখিম ,
জুখিব নাজানোঁ আবেগৰ অনুভৱ।
সংজ্ঞা বিচাৰিব নাজানোঁ ,
কিদৰে আছে
একাঁজলি অনুভৱ হিয়াৰ মাজত!
দূৰৈত থাকিলে মই ,
খেপিয়াই বিচাৰোঁ অনুভৱ তোমাৰ,
কিজানিবা ওচৰতে পাওঁ।
আবেগে আমনি কৰিলে,
চকুলো নিগৰে মোৰ ,
কাষত বিচাৰো তোমাৰ অনুভৱ।
জানানে ?
অনুভৱ মোৰো আছে ,
আবেগ পুহিছোঁ মই সৰু হৃদয়ত।
আবেগৰ মাজত
অভিমান লৈ বিচাৰোঁ তোমাক।
